Kongresi i XI-të Mbarëkombëtar i Stomatologjisë
Regjistrimi dhe Kotizimi
Regjistrimi i pjesëmarrësve realizohet përmes platformës digjitale të Odës së Stomatologëve të Kosovës. Kjo faqe përmban akreditimin, tarifat, të dhënat bankare dhe manualin hap pas hapi për krijimin e llogarisë dhe aplikimin për pjesëmarrje në Kongres.
Kongresi është akredituar nga Oda e Stomatologëve të Kosovës
Akreditimi
Kongresi i XI-të Mbarëkombëtar i Stomatologjisë me pjesëmarrje ndërkombëtare është akredituar nga Komisioni për Edukim të Vazhdueshëm Profesional i Odës së Stomatologëve të Kosovës, i cili, në mbledhjen e datës 17.08.2026, pas shqyrtimit të dokumentacionit përkatës, ka përcaktuar:
Pjesëmarrje aktive
20 pikë
për autorët që prezantojnë punim oral ose poster
Pjesëmarrje pasive
15 pikë
për pjesëmarrësit e regjistruar në kongres
Kotizimi për pjesëmarrje
Tarifa përcaktohet nga data e regjistrimit, jo nga data e pagesës. Regjistrimet e realizuara deri më 15 shtator 2026 përfitojnë tarifën e hershme.
| Kategoria e pjesëmarrësit | Deri më 15 shtator 2026 Tarifa në fuqi tani | Pas 15 shtatorit 2026 Tarifa e rregullt |
|---|---|---|
| Stomatologë, mjekë, farmacistë, teknikë dhe infermierë | 50 € | 70 € |
| Studentë të stomatologjisë | 20 € | 20 € |
Kotizimi paguhet vetëm pasi aplikimi juaj për pjesëmarrje të jetë regjistruar në platformë — të dhënat bankare dhe adresa ku dërgohet dëshmia e pagesës ju vijnë me email pas aplikimit.
Manual për regjistrim dhe aplikim
Si të regjistroheni, hap pas hapi
Procesi ka dy faza të ndara: së pari krijoni llogarinë tuaj në platformë dhe prisni aprovimin, pastaj aplikoni veçmas për aktivitetin e Kongresit. Faza e dytë hapet vetëm pasi llogaria juaj të jetë aprovuar.
Regjistrimi në platformë
Krijoni llogarinë tuaj në platformën digjitale të OSK-së. Ky hap bëhet vetëm një herë.
- Hyni në platformë: online.osk-ks.org
- Në faqen hyrëse zgjidhni opsionin: “Apliko si organizatë apo individ i jashtëm”.
- Plotësoni të dhënat personale me kujdes.
- Ngarkoni licencën e punës ose diplomën universitare.
- Klikoni “Vijues”, verifikoni të dhënat dhe pastaj “Regjistrohu”.
- Në emailin tuaj do të pranoni konfirmimin fillestar të aplikimit.
- Pas miratimit nga administratori, do të pranoni emailin e aprovimit dhe mund të kyçeni në platformë.
Aplikimi për pjesëmarrje në Kongres
Pasi llogaria juaj të jetë aprovuar, aplikoni veçmas për aktivitetin e Kongresit.
- Pasi të kyçeni, hyni te moduli “Edukimi i Vazhdueshëm”.
- Klikoni “Apliko për pjesëmarrje”.
- Gjeni aktivitetin e kongresit dhe klikoni “Apliko”.
- Konfirmoni pjesëmarrjen duke klikuar “Po”.
- Në email do të pranoni të dhënat bankare për pagesë dhe adresën ku duhet të dërgohet dëshmia e pagesës.
- Pas verifikimit të pagesës nga administrata, regjistrimi juaj finalizohet.
- Emaili i fundit konfirmon se regjistrimi për pjesëmarrje është përfunduar.
Të dhënat bankare
Pagesa mund të bëhet përmes NLB Banka, duke u bazuar në të dhënat:
- Banka
- NLB Banka
- Emri i llogarisë
- IBAN
- Nr. i llogarisë
- SWIFT CODE
- Emërtimi i pagesës
Klikoni një vlerë për ta kopjuar.
Gjatë kryerjes së pagesës duhet të specifikohet emri dhe mbiemri i pjesëmarrësit dhe emërtimi i pagesës: “Kongresi 2026”.
Në rast se pagesa bëhet për më shumë se një person, duhet të specifikohet emri dhe mbiemri i secilit pjesëmarrës.
Evidentimi dhe certifikata
Evidentimi me QR kod
Pjesëmarrësit e regjistruar dhe me kuotizim të paguar duhet të bëjnë evidentimin e pjesëmarrjes me QR kod, përmes telefonit mobil, në vendngjarje.
QR kodi do të jetë i qasshëm në hapësirat ku do të mbahet Kongresi — Emerald Hotel, Prishtinë.
Certifikata elektronike
Certifikata elektronike do t'u lëshohet vetëm pjesëmarrësve të cilët kanë kryer evidentimin e pjesëmarrjes përmes QR kodit.
Pikët e edukimit të vazhdueshëm njihen mbi bazën e këtij evidentimi.
Njoftim i rëndësishëm
Vetëm regjistrimet e realizuara përmes platformës online të OSK-së do të konsiderohen valide për pjesëmarrje në kongres. Ju lutemi ndiqni me kujdes të gjitha hapat e përshkruar.
Për më shumë informata
shsrkinfo@gmail.comPër pyetje teknike lidhur me platformën digjitale, drejtohuni te përkrahja teknike e Odës së Stomatologëve të Kosovës.