Kongresi i XI-të Mbarëkombëtar i Stomatologjisë
Ju njoftojmë se Shoqata e Stomatologëve të Republikës së Kosovës, në bashkëpunim me Shoqatën Dentare Shqiptare dhe Shoqërinë e Stomatologëve Shqiptarë të Maqedonisë – Apolonia, organizon Kongresin e XI-të Mbarëkombëtar të Stomatologjisë me pjesëmarrje ndërkombëtare, me temë:
“Stomatologjia bashkëkohore: Avancimi i shëndetit oral përmes shkencës, praktikës klinike dhe inovacionit”
Kongresi do të mbahet më 9–10 tetor 2026, në Prishtinë, Kosovë.
Kongresi i XI-të Mbarëkombëtar i Stomatologjisë me pjesëmarrje ndërkombëtare
FTESË PËR SPONSORIZIM
Të nderuar përfaqësues të kompanive,
Shoqata e Stomatologëve të Republikës së Kosovës, në bashkëpunim me Shoqatën Dentare Shqiptare dhe Shoqërinë e Stomatologëve Shqiptarë të Maqedonisë- Apolonia, organizon Kongresin e XI-të Mbarëkombëtar të Stomatologjisë me pjesëmarrje ndërkombëtare, me temë “Stomatologjia Bashkëkohore: Avancimi i Shëndetit Oral përmes shkencës, praktikës klinike dhe inovacionit”, i cili do të mbahet më 9–10 tetor 2026, në Emerald Hotel, Prishtinë, Kosovë.
Kongresi synon të bashkojë profesionistë të fushës së stomatologjisë, përfaqësues të industrisë stomatologjike nga Kosova, Shqipëria, Maqedonia e Veriut dhe vende të tjera, duke krijuar një platformë për shkëmbim shkencor dhe profesional, prezantim të zhvillimeve bashkëkohore dhe forcim të bashkëpunimit profesional.
Duke vlerësuar kontributin tuaj në avancimin e stomatologjisë, ju ftojmë të bëheni pjesë e kësaj ngjarjeje përmes njërës prej kategorive të sponsorizimit të paraqitura më poshtë.