Dorëzimi i Abstrakteve

Ftohen të gjithë të interesuarit të dorëzojnë abstraktet e tyre për pjesëmarrje në konferencë. Të gjitha abstraktet do t’i nënshtrohen procesit të vlerësimit shkencor dhe do të përzgjidhen për prezantim oral ose në formë posteri. Autorët do të njoftohen për vendimin e pranimit përmes emailit. Për prezantimin e punimit, të paktën një nga autorët duhet të jetë i regjistruar në konferencë.

Konferenca akreditohet nga Oda e Stomatologëve të Kosovës

Kalendari i rëndësishëm i eventit

• Afati për dorëzimin e abstrakteve: 5 Qershor 2026 – 31 Gusht 2026, ora 16:00
• Njoftimi për pranim/refuzim: deri më 11 shtator 2026
• Regjistrimi i autorëve: deri më 15 Shtator 2026

Si ta përgatitni abstraktin

Abstrakti dorëzohet si dokument në formatin Word ose PDF, i shkruar me Times New Roman, madhësia 12, hapësirë njëshe, dhe nuk duhet t'i kalojë 250 fjalë (pa përfshirë titullin, emrat e autorëve dhe institucionet).

Në dokument përfshini:

• Titullin — i shkurtër, pa shkurtime dhe iniciale.
• Autorët — emër e mbiemër të plotë, sipas radhës së dëshiruar.
• Institucionet — nëse autorët u përkasin më shumë se një institucioni, përdorni numrat 1, 2, 3 pranë secilit autor.
• Kontaktin — email-i i autorit të parë dhe i autorit referues.
• Referencat bibliografike — të viteve të fundit.

Struktura sipas llojit të abstraktit

Punim origjinal: Hyrje · Objektivat · Metodat · Rezultatet · Përfundimi.

Rast klinik: Hyrja · Paraqitja e Rastit · Diskutimi · Komentet dhe përfundimet.

Vlerësimi

Të gjitha abstraktet shqyrtohen nga Këshilli Shkencor sipas: (i) risisë dhe rëndësisë së punës kërkimore; (ii) metodologjisë; (iii) implikimeve për kërkimin dhe praktikën stomatologjike.